Moustafa_007 صاحــب الليلة
عدد الرسائل : 74 عايش فين : السويس .... بلد الغريب طالب ولا عاطل ولا ربنا كرمك وبتشتغل : طالب .. وان شاء الله ربنا يكرمنى تاريخ التسجيل : 04/11/2007
| موضوع: ما هو الباد سيكتور ؟ الخميس سبتمبر 18, 2008 11:02 pm | |
| ما هو الباد سيكتور؟ Bad Sector البادات دى موضوع كبير اووووى وبيتعمل فيه كورسات عشان الواحد يفهم يعنى ايه باد وبيجى منين ويتشال ازاى بس فى الانجاز كده هحاول افيدكوا
الباد او الـ (Bad Sector) هو عبارة عن تلف وحدة من وحدات التخزين على الهارد او جزء منها ودايما بتيجى فى جزء فى الهارد خاص بتخزين البيانات اللى هى الميديا Hard Disk Media والميديا دى حاجة كده زى اسطوانات مضغوطة فوق بعض على محور صغير اووى وبيلفو مع بعض على المحور ده اللى متوصل بالموتور الصغير اللى فى الهارد. يعنى تقدر تقولوا كده ان البادات دى الجزء التالف اللى ماينفعش لا نخزن عليه بيانات ولا نقرى من عليه وصعب على الهارد ان يوصلها او يقراها.
فى طرق كتير تعرف بيها اذا كان فى باد فى الهارد بتاعك ولا لا : - منها ان الويندوز هو اللى يلاقيه ويقولك ان فى تلف فى الجزء ده . - أو عن طريق عملية مسح على سطح القرص الصلب بأى من البرامج المختصه فى ده مثل Windows scan disk / surface ..OR.. Norton utilities ..OR.. Dos والبرنامج هيعمل اسكان على الهارد بحثا عن أى من الأجزاء التالفه و هيقدم لك تقرير مفصل عنها لو لقى حاجة فى الهارد . - او لو مرة حاولت تقسيم الهارد بأى برنامج تقسيم والبرنامج وقف أثناء العمل أو ظهرلك اى رسالة خطأ . - او لاحظت أن بعض البيانات DATA على الهارد مش شغالة أو بيحصل فيها مشاكل أو شغالة بس بتأخذ وقت كبير فى التحميل أو سمعت فى الهارد صوت مختلف و انت بتشغل الحاجات دى بالذات . - عند سماع صوت غريب ( تكتكه مثلا ) فى الهارد وهو شغال عموما و الصوت كان جديد على ودنك او ماشمعتوش قبل كده .
ولازم تبقى عارف ان الهارد حاجة معدنيه يعنى عامل الزمن لازم يتحط فى الاعتبار وانه سبب مهم فى وجود الباد فى الهارد .
مش عايز اطول عليكوا بس عايز الم لكو الموضوع كله
بص انا هاختصر ... الباد بيتصنف حسب خطورته يعنى زى الحروق فى حرق درجة اولى وتانية وتالتة الباد بيتصنف كده برضه بس الباد خمس درجات.
وكل نوع بيجى لسبب معين فى منهم سوء استخدام الهارد وفى منهم بسبب ان الهارد يقع او يتخبط منك او استعمال العنف معاه وده كله تحت سوء الاستعمال وفى بقى اللى بيتصنف تبع طريقة اكتشافة يعنى اللى اللى بيكتشفة الويندوز واللى بيكتشفة برنامج التقسيم كل دى درجات
الباد بقى نوعين: باد وهمى وده بسيط جدا ومفيش خوف منه وبيتعالج بسهوله ببعض البرامج وباد حقيقى وده اللى مشكلة لانه مش سهل حله بـ (السوفت وير) يعنى البرامج ، غالبا بيكون علاجة (هارد وير) يعنى تصليح تفك الهارد وتصلحه.
اما بيتشال ازاى فهو ليه كذا طريقة يتشال بيها
- منها البرامج العادية بتاعة الويندوز وبرضه كل نوع ليه الطريقة اللى يتشال بيها على حسب خطورتة . - وممكن تعمل فورمات للهارد وتعمل سكان وده لو بسيط من الدرجة الاولى - وممكن اى برنامج من برامج التقسيم زى الـ MD و FDisk و Partion Manger - وفى بقى الباد اللى مايتشالش خالص وده علاجه بالـ Partion Magic وده ليه طريقة معينة بتعرف الباد فين بالظبط وتحدد حواليه وماتخليش الهارد يقرا الجزء ده. - واخر حاجة هى بقى الهاردوير يعنى التصليح ودى بقى بتبقى يا اما تغير ميديا كاملة و تركيب ميديا جديدة من نفس نوع الهارد او بقى تشترى هارد جديد وتريح دماغك هههههههههه
يارب تكون استفدتوا يا جماعة
بس كفاية كده
Moustafa_007 | |
|